منتخب اشعار خوانده شده در جلسه 207 کارگاه شعر گیلکی

عباس احمدی
پوفازه
بی قرار بو ، قرار دیل
چین بوخورد ، دیوار پیشانی
باداکودˆ ، صبرˇشکم
خوشکا بو ، دریا نیگا
ها غورا کی من دینم
دِ نتانه حلوا ببه !







ابراهیم ملکی
قژقال ˇداد

رج به رج فودارˇزمانه
       تراقه ترکانˇاوخان
پرندانˇابروباد
      آسمانˇسیائی
مازودار،
       قژقالˇداد.
مردوم اوفه اوفه نفتˇکونه
                 شلˇخوینه.
سر به سر کیتابˇسر
تی بازو می شلان قوزه
پیرابیم زود،
      وقتی موران بزه نیگا میان مانیم.
میریم زود،
مثلˇکرایه ماشین فادانˇاوآدم کی،
خورده واسی بداشتیبی حتماً!.......

قژقال : نوعی پرنده زاغ کبود  - نفتˇکونه:نوعی پرنده غازشانه به سر  - شل خوینه:نوعی پرنده از انواع پاشلک





فریده صفرنژاد (بانوی گیلان)
امی پئر،کهنه قبا،گالوش به دس
غورصه یا  وارگانه جی می نیگا به تی نیگا
امشبم دوشوبه دس جی  را  فارسه
درجکˇمیجیک واوه اونه سلام جا
تا تانه ورف فوره می کوجی خاخور،جی تیشتائی
تب کونه امی لحاف
می برار جی خجالت نتانه ایژگریا چوم تاودˆ
هر شبم می سینه سر قدم زنه تورشا بوسته واز
می ماری هر روز واشانه سردˇپلا - زرخˇگمج
نتانه د͵ بینویسه می قلم جی چونگلوس – پرکه انˇدس





زهرا علیزاده(هامون)
امی هیستی
بوچولکسته آفتاب امره
خوشکا نیبه
هاچین وارگادن نوا

ارسال دیدگاه

: نام شما
: پست الکترونیک
: دیدگاه
: کد امنیتی

درباره‌ خانه فرهنگ گیلان

در زمستان سال ۱۳۷۷ هسته آغازین موسسه خانه فرهنگ گیلان به همت گروهی از اهل قلم، هنرمندان و فرهنگ‌دوستان گیلانی شکل گرفت و از پاییز سال ۱۳۸۰ فعالیت رسمی خود را آغاز کرد. خانه فرهنگ گیلان با هدف همسو کردن کوشش‌های فردی ...

آمار بازدید کنندگان

بازدیدکنندگان امروز : 516
بازدیدکنندگان ديروز : 1388
بازدیدکنندگان در هفته : 7693
بازدیدکنندگان در ماه : 33227
بازدیدکنندگان در سال : 433956
کل بازدیدکنندگان : 2912275
کاربران آنلاین : 10